ICT Short Notes

 දත්ත සහ තොරතුරු 

වෙන් වෙන් වශයෙන් ගත් කල අර්ථයක් දීමට නොහැකි අංක,වචන සහ සළකුණු දත්ත (Data) වේ.

දත්ත ගොනු කිරීමෙන් සහ සකස් කිරීමෙන් අර්ථවත් තොරතුරු (Information ) ලැබේ.

දත්ත සකස් කිරීමට යොමු කිරීම ආදානය(Input) වේ.

සකස් වූ තොරතුරු ලබාගැනීම ප්‍රතිදානය(Output) වේ.

මේ සියල්ලම එකතු වූ විට පද්ධතිය ක් වේ.

පද්ධතියක කාර්යය 

• දත්ත ලබා ගැනීම
• දත්ත සකස් කිරීම සහ සුරැකීම 
• අවශ්‍ය විට තොරතුරු ලබා දීම

පරිගණක පද්ධතිය ක සංඝටක

• දත්ත ලබා දීම(ආදානය )
• දත්ත සකස් කිරීම සහ ගබඩා කිරීම(සැකසීම)
• අවශ්‍ය තොරතුරු ලබාදීම(ප්‍රතිදානය )

පද්ධතිය ක් සඳහා උදාහරණ 

බැංකු පද්ධතියේ යොදාගන්නා ස්වයංක්‍රීය ටෙලර් යන්ත්‍රය (ATM)

පුවත්පත් වල සහ සඟරා වල භාවිතාවන QR කේතය.

ගුණාත්මක තොරතුරක ලක්ෂණ 

• අදාල බව
• අංග සම්පූර්ණ බව
• නිරවද්‍යතාවය
• කාලීන බව
• පිරිවැය අවම වීම

තොරතුරු හා සන්නිවේදන තාක්ෂණය 

දත්ත පිළිවෙළකට සකස් කිරීමෙන් තොරතුරු ලබාගනු ලැබේ.

එම තොරතුරු තීරණ ගැනීමට උදව් වේ.

එසේ සකස් කරගත් තොරතුරු වෙනත් අයෙකු හෝ වෙනත් පරිසරයක් හෝ සමඟ හුවමාරු කරගැනීම තොරතුරු සන්නිවේදනය කිරීම වේ.

දත්ත සකස් කර තොරතුරු බවට පත් කිරීමත්,ඒවා හුවමාරු කරගැනීමට ත් තාක්ෂණය විවිධාකාරයෙන් යොදා ගැනේ.

මෙය තොරතුරු හා සන්නිවේදන තාක්ෂණය නම් වේ.

තොරතුරු හා සන්නිවේදන තාක්ෂණයේ යෙදවුම්

• අධ්‍යාපනය 
• ගමනාගමනය 
• කර්මාන්ත 
• වයාපාර
• ඉ රාජ්‍ය 
• කෘෂි කර්මාන්ත 
• විනෝදාස්වාදය

ඉ-රාජ්‍ය යෙදවුම්(e-Government)

රජයක් තොරතුරු හා සන්නිවේදන තාක්ෂණය යොදාගනිමින් තම රටෙහි

පුරවැසියන් 

සමාගම් 

රාජ්‍ය හා රාජ්‍ය නොවන සංවිධාන 

වෙනත් රටවල රාජ්‍ය සමඟ

සම්බන්ධ තා පැවැත්වීම ඉ-රාජ්‍ය (e-Government ) ලෙස දැක්විය හැක.

EX-ශ්‍රී ලංකා රජයේ වෙබ් පිටුව

අධ්‍යාපන ක්ෂේත්‍රයේ  යෙදවුම් 

පන්ති කාමරයේදී

පරිගණක ආශ්‍රිත සමර්පණ(presentations)

සඟරා,ලිපි ලේඛන සකස් කිරීම සහ මුද්‍රණය 

අන්තර්ජාලය ඔස්සේ  තොරතුරු රැස් කිරීම.

අධ්‍යාපනික ක්‍රීඩා 

ඕනෑම තැනකදි ඕනෑම වෙලාවකදි අධ්‍යාපනය ලැබීම.

ඉ-තක්සලාව

නැණසල(nenasala.lk)

ඉගැන්වීම සඳහා ගුරුවරයාට ආධරකයක් වීම.

ඉගෙනුම් කළමනාකරණය 

පාසල් අධ්‍යාපන කළමනාකරණය සහ උසස් අධ්‍යාපන කළමනාකරණය සඳහා ඉගෙනුම් කළමනාකරණ පද්ධතිය ක් (Learning Management System ) යොදා ගැනීම.

සැමට උසස් අධ්‍යාපනයට ළඟා වීමේ හැකියාව 

ඕනෑම තැනක සිට තමන් කැමති ආයතනයක් හා සම්බන්ධ වීම තුලින් අඩු වියදමකින් උසස් පාඨමාලාව ක් හැදෑරීම .(Online Distance  Learning )

සවුක්‍ය ක්ෂේත්‍රයේ යෙදවුම්

වයිද්‍ය පරීක්ෂණ  සඳහා තොරතුරු හා සන්නිවේදන තාක්ෂණය භාවිතය.

EX1-පරිගණකගත ආක්ෂක ශරීර ස්තර එක්ස්‍රේ යන්ත්‍රය .(CAT-Computerized Axial Tomography  Machine )

ශරීරයේ අභ්‍යන්තර කොටස් වෙන් වෙන් වශයෙන් ත්‍රිමාණ ලෙස රූප ගත කල හැක.

EX2-චුම්බක අනුනාද මූර්තන යන්ත්‍රය 

(MRI-Magnetic Resonance Imaging Machine )

රේඩියෝ තරංග සහ ප්‍රබල චුම්බක අනුනාද මගින් ශරීරයේ අභ්‍යන්තර කොටස්වල සවිස්තරාත්මක රූපසටහන් ලබාගත හැක.

EX3-විද්‍යුත් තන්තු රේඛීය යන්ත්‍රය (ECG-Electrocardiogram Machine )

හර්දයේ ස්පන්දනය නිරීක්ෂණය කිරීම සඳහා  යොදා ගනී.

EX4-හර්ද රෝග තිර ගැන්වීමේ යන්ත්‍ර(Cardiac Screening Machine )

හෘදයේ ක්‍රියාකාරිත්වය පරිගණක තිරයක දැක්වීම  මෙම යන්ත්‍රය  මගින් සිදු වේ.

EX5-විද්‍යුත් නිකර්පර රේඛණ යන්ත්‍රය (EEG-Electro-Encephalography)

මොළයේ ක්‍රියාකාරිත්වය සටහන් කිරීම සඳහා  මෙම උපකරණය යොදාගනු ලබයි.

EX6-රුධිරයේ සීනි පරීක්ෂා කිරීමේ උපකරණය (Blood sugar testing machine )

රුධිරයේ සීනි පරීක්ෂාව සඳහා යොදා ගනී.

EX7-රුධිර පීඩනය මනින යන්ත්‍රය (Blood pressure Testing Machine )

රුධිර පීඩනයේ වෙනස්වීම මැන ගත හැකිය.

ඉදිරියේදී තවත් මෙවැනි පාඩම් අපි ඔබ වෙනුවෙන් ගෙන එන අතර,ඔබග්‍ර්‍ර් අදහස් comment කරන් යන්න ,තව කෙනෙකුට බලන්න share කරන්න .