O/L Science -පදාර්ථයේ ව්‍යුහය

 අප අවට පරිසරයේ ඇති දෑ 

• පදාර්ථ 
• ශක්තිය ලෙස වර්ග කල හැක.

පදාර්ථය

අවකාශයේ ඉඩක් ගන්නා ස්කන්ධය ක් ඇති දෑ පදාර්ථ වේ.

පදාර්ථ භෞතික ස්වභාවය හා රසායනික සංයුතිය අනූව වර්ග කිරීම.

• පරමාණුව පදාර්ථයේ තැනුම් ඒකකය වේ.
• එය උපපරමාණුක අංශූ වලින් සෑදි ඇත.
• ප්‍රෝටෝන-ධන ආරෝපිත ය.
• ඉලෙක්ට්‍රෝන-ඍණ ආරෝපිතය.
• නියුට්‍රෝන-ආරෝපණයක් නොමැත.

පරමාණුවේ න්‍යෂ්ටික ආකෘතිය අනූව

• පරමාණුවේ මධ්‍යයේ න්‍යෂ්ටිය නම් ස්කන්ධය ඒකරාශි වූ ප්‍රදේශය ක් ඇත.
• එහි,නියුට්‍රෝන,ප්‍රෝටෝන අඩංගු වේ.
• ඉලෙක්ට්‍රෝන න්‍යෂ්ටිය වටා අවකාශය ක පවති.
• පරමාණුවක ඉලෙක්ට්‍රෝන ,ප්‍රෝටෝන ගණන සමාන නිසා ,විද්‍යුත් වශයෙන් උදාසීන ය.

පරමාණුව පිළිබඳ ග්‍රහ ආකෘතිය 

• මෙය ඉදිරිපත් කරන ලද්දේ අර්නස්ට් රදර්ෆඩ් විසින් ය.
• ධන ආරෝපිත න්‍යෂ්ටිය වටා ඉලෙක්ට්‍රෝන චලිතයේ යෙදෙමින් පවති.
• එය ග්‍රහ ලෝක සූර්‍ය්යා වටා භ්‍රමණය වීමට සමාන වේ.න්‍යෂ්ටිය  වටා ඉලෙක්ට්‍රෝන වේගයෙන් භ්‍රමණය වන නිසා ඒවා න්‍යෂ්ටිය මතට පතිත නොවේ.

නීල්ස් බෝර් විසින් මෙය තවදුරටත් විස්තර කරන ලදී

• බෝර් විසින් ධන ආරෝපිත  න්‍යෂ්ටිය වටා ඇති නිශ්චිත පථ වල හෙවත් කක්ෂ වල ඉලෙක්ට්‍රෝන චලිතයේ යෙදෙන බව ප්‍රකාශ කරන ලදී.
• ඉලෙක්ට්‍රෝන චලනය වන්නේ ශක්ති මට්ටම් වලය.
  
  
  

පහත වගුවේ ආකාරයට ශක්ති මට්ටම් වල ඉලෙක්ට්‍රෝන පිහිටයි.

පරමාණුක ක්‍රමාංකය

• මූලද්‍රව්‍යයක අඩංගු ප්‍රෝටෝන සංඛ්‍යාව  එහි පරමාණුක ක්‍රමාංකය නම් වේ.
• මූලද්‍රව්‍යයක පරමාණුක ක්‍රමාංකය =මූලද්‍රව්‍ය යේ පරමාණුවක ඇති ප්‍රෝටෝන සංඛ්‍යාව 
• මූලද්‍රව්‍යයක පරමාණුක ක්‍රමාංකය එම මූලද්‍රව්‍යට අනන්‍ය ලක්ෂණ යකි.
• Z වලින් මෙය නිරූපණය කරයි.
• උදාසීන පරමාණුවක පරමාණුක ක්‍රමාංකය ඉලෙක්ට්‍රෝන ගණනට ද සමාන වේ.

ස්කන්ධ ක්‍රමාංකය 

• පරමාණුවක ස්කන්ධය කෙරෙහි බලපාන්නේ නියුට්‍රෝන හා ප්‍රෝටෝන වල ස්කන්ධ පමණි.
• පරමාණුවක න්‍යෂ්ටියේ අඩංගු ප්‍රෝටෝන සංඛ්‍යාවේත් නියුට්‍රෝන සංඛ්‍යාවේත් එකතුව ස්කන්ධ ක්‍රමාංකය නම් වේ.
• ස්කන්ධ ක්‍රමාංකය =ප්‍රෝටෝන සංඛ්‍යාව +නියුට්‍රෝන සංඛ්‍යාව 
• මෙය A සංකේතයෙන් නිරූපණය කෙරේ.

මූලද්‍රව්‍යයක පරමාණුක ක්‍රමාංකය හා ස්කන්ධ ක්‍රමාංකය ලියා දැක්වීමේ සම්මත ක්‍රමය පහත දැක්වේ.

ඉලෙක්ට්‍රෝන වින්‍යාසය

පරමාණුවක න්‍යෂ්ටියේ සිට පිටතට පිළිවෙලින් ඒ ඒ ශක්ති මට්ටම් වල ඉලෙක්ට්‍රෝන පිරී ඇති ආකාරය නිරූපණය කිරීම ඉලෙක්ට්‍රෝන වින්‍යාසය ලෙස හැඳින්වේ .

පරමාණුක ක්‍රමාංකය  1සිට 20 දක්වා වූ මූලද්‍රව්‍ය වල ඉලෙක්ට්‍රෝන වින්‍යාසය 

අපගේ ඊලඟ ලිපියෙන් ආවර්තිතා වගුව සම්බන්ධ Short note එකක් බලාපොරොත්තු වන්න.

සැකසුම 

Prasanna J

Source 

Grade10 Science Textbook 

ඔබගේ වටිනා අදහස් comment කරන්න ,තවත් කෙනෙකුට බලන්න share කරන්න .

Whats up

0772178365

Like us on facebook 

O/L Shortnotes