පුරාවිද්යාත්මක මූලාශ්ර ලෙස
- අභිලේඛන
- කාසි
- නටබුන්
සැලකිය හැක .
අභිලේඛන යනු
- ගල්(ශිලා )
- මැටි පුවරු
- බිත්ති
- තඹ තහඩු
- රන් තහඩු
- දැව හා විවිධ භාජන
ආදියෙහි ලියා ඇති පැරණි ලේඛන පොදුවේ හදුන්වන පදයකි.
සෙල් ලිපි
ගල් මත ලියා ඇති ලේඛන සෙල් ලිපි හෝ ශිලා ලේඛන ලෙස හඳුන්වයි.
සෙල් ලිපි හෙවත් ශිලා ලේඛන ලියා ඇති ගල්වල ස්වරූපය අනූව වර්ග කල හැකිය.
- ලෙන් ලිපි
- ගිරි ලිපි
- ටැම් ලිපි
- පුවරු ලිපි
- ආසන ලිපි
පැරණිම ශිලා ලිපි බ්රාහ්මිය ලිපි ලෙස හඳුන්වනු ලබයි.
භික්ෂූන් ට ලෙන් පිදීම වැනි දේ වාර්තා කිරීමට ප්රධාන වශයෙන් මෙම ලිපි ලියා ඇත.
ක්රිස්තු පූර්ව දෙවන සියවසේ සිට මහනුවර රාජ්ය සමය දක්වා ශිලා ලිපි ලිවීම අඛණ්ඩව පැවති ඇත .
ක්රිස්තු වර්ෂ දෙවන සියවසෙන් පසුව
- විහාරාරාමවලට ගම්බිම් පිදීම.
- විහාරාරාම පාලනය .
- රජයේ නීතී මහජනයාට දැනුම් දීම.
- බදු අය කිරීම
- වෙළෙඳාම
- වැරැදි කරුවන්ට සමාව දීම
- පුද්ගලයන් ගේ සේවය ඇගයීමට ශිලා ලිපි පිහිටුවා ඇත.
කාසි
අනුරාධපුර යුගයේ සිට කාසි භාවිතා කර ඇත.
පැරණිම කාසිය කහාපණ නම් වේ.
පුරාණ හෝ ධරණ යන නම් වලින් ද හඳුන්වයි .
ඇතා සහ ස්වස්තික කාසි,ලක්ෂ්මි කාසි සහ අක නම් රන් කාසි වර්ගයක් ද මෙරට භාවිතා කර ඇත.
තඹ මස්ස කාසි පොළොන්නරුව රාජ්ය සමයේ භාවිතා කර ඇත.
මෙරටට අවශ්ය කාසි මෙරට දීම නිෂ්පාදනය කර ඇත.
කාසි නිපද වූ අච්චු කැණීම් වලදි හමුවීමෙන් මෙය තහවුරු වේ.
රෝම කාසි,චීන කාසි,ඉන්දියානු කාසි ලංකාවෙන් හමු වී ඇත.
පැරැණි කාසි පිළිබඳ හදාරණ විෂය නාණක විද්යාව ලෙස හැදින්වේ.
කාසි පිළිබඳ අධ්යනයෙන්
- රටේ ආර්ථික තත්වය
- වෙළෙඳාම
- ලෝහ භාවිතය පිළිබඳ තොරතුරු ලබා ගත හැක.
- පුරාණ නටබුන්
ශ්රීලංකාවේ බොහෝ ප්රදේශ වල පැරණි ගොඩනැඟිලි ,දාගැබ් ,ගල් කණු,වැව් පොකුණු ආදි නටබුන් ඇත.
පැරණි ජනතාවගේ
- නිර්මාණාත්මක හැකියාව
- තාක්ෂණය
- වාස්තු විද්යාව
- ශිල්පීය දක්ෂතාවය
- පරිසර සංරක්ෂණ හැකියාව
- ජල පාලනය වැනි විවිධ අංශ පිළිබඳ නිරවුල් දැනුමක් ලබාගැනීමට මෙම නටබුන් උපකාරි වේ.
චිත්ර ,මූර්ති හා පුරාවස්තු
පැරණි චිත්ර ,මූර්ති හා කැටයම් අපේ සංස්කෘතික ඉතිහාසය පෙන්නුම් කරයි.
මේවා මගින් අතීත ජනතාවගේ
- ඇදුම් පැළදුම්
- ආභරණ පරිහරණය
- කලා කුසලතාවය
- වර්ණ භාවිතය
- ආගමික විශ්වාස පිළිබඳ තොරතුරු ලබාගත හැක.
පැරැණි ජනතාව විසින් නිර්මාණය කරන ලද හෝ පරිහරණය කරන ලද දැනට ඉතිරිව ඇති දේ පුරාවස්තු වේ.
පුරාවස්තු මගින් ද අතීත ජනතාවගේ විවිධ හැකියා,කුසලතා,පැරැණි සංස්කෘතිය ,තාක්ෂණය ,විදේශ සබඳතා ජීවන ක්රමය පිළිබඳ ව තොරතුරු ලබා ගත හැක.
සාහිත්ය මූලාශ්ර ඓතිහාසික සිදුවීම් වලට වඩා පසුකාලීන වාර්තා ය.
පුරාවිද්යා මූලාශ්ර ඓතිහාසික සිදුවීමට සමකාලීන ඒවා ලෙස සැලකේ.
සාහිත්ය මූලාශ්ර වල සඳහන් තොරතුරු පුරාවිද්යාත්මක වශයෙන් සනාථ වේ නම් ඒව විශ්වාසදායි තොරතුරු වේ.
ඉතිහාසය ඉගෙනීමේ වැදගත්කම
තමා ජීවත්වන සමාජය හා ලෝකය පිළිබඳ යථාවබෝධය.
- අතීත අත්දැකීම් මගින් වර්තමානය තේරුම් ගෙන අනාගතය ගොඩ නැගීම.
- රටේ ජාතික අවශ්යතාවය හඳුනා ගැනීම.
- මනුෂ්යත්වය ට ආදරය කිරීමෙන් ජාතිය සමගිය ගොඩ නැගීම
- අන්ය සංස්කෘතීන්ට ගරු කිරීමට පුරුදු වීම.
- විවිධ මත ඉවසීමට පුරුදු වීම.
මෙම ලිපියත් සම්ඟ ඉතිහාසය හැදෑරීමේ මූලාශ්රය පාඩමේ Short notes පෙළ අවසන් වෙනවා.අළුත් පාඩමකින් නැවත හමු වෙමු.
සැකසුම
Prasanna.J.Kumara
Source
Grade10 History Textbook
ඔබගේ වටිනා අදහස් comment කරන්න ,තව කෙනෙකුට බලන්න Share කරන්න .
Follow up us on whats up
077 2178365
Comments
Post a Comment